زينب بعد غيبتها قصدت إقبور إخوتها

زينب  بعد  غيبتها…قصدت إقبور  إخوتها
مظلومه …و مهضومه …قصدت إقبور إخوتها

هاي  البلخدر مضرب مثَّل  هالناس
هاي  البلستر حد للشرف تنقاس
بت  حيدر  علي و إخت القمر عباس
شافت جم مصاب اللي يشيب  الراس
ونت قهر ونتها…و دمعة وسف  دمعتها
مظلومه …و مهضومه …قصدت إقبور إخوتها

شافت  كربله  و من البعد  حنت
لو  ينكف  بصرها الصابره إتمنت
ونه  إيذوب  من عدها القلب ونت
عله  إخوتها العقيله تنشد  إعتنت
من حنت و سمعتها…قامت تحن ناقتها
مظلومه …و مهضومه …قصدت إقبور إخوتها

هاي  العافت إبن أمها عله  الغبره
مسلوب  الجسد ينزف دمه  نحره
و  ليلة  أربعينه إتعنت  القبره
و عن همها و حزنها و السبي  إتخبره
تحجي  له عن حالتها…و لوعة حزن  غربتها
مظلومه …و مهضومه …قصدت إقبور إخوتها

قبر حسين إخوها حضنته و  ناحت
و إبصوت الهضم بت حيدره صاحت
إبحيره إختك يخوها من طحت طاحت
و لو تنشد عليها اليا كتر  راحت
و  إبيا  وضع قضتها…إدروب الذي  قطعتها
مظلومه …و مهضومه …قصدت إقبور إخوتها

و إتعنت الصوب النهر  ملهوفه
تنشد عالجفيل القطعوا إجفوفه
حال إختك تقله دقعد و شوفه
من لوعة الشام و لوعة  الكوفه
و زينب عقب هيبتها…إلمن بعد  ردتها
مظلومه …و مهضومه …قصدت إقبور إخوتها

إتقلك جيت أخبرك يا ضوه  إعيوني
يخويه اليا كتر من طحت  ودوني
تهون  إعليك يا عباس  شتموني
و  من ضرب السياط إسودت  إمتوني
عفت  إختك إبحيرتها…و ظلمه غدت  دنيتها
مظلومه …و مهضومه …قصدت إقبور إخوتها