لساني يالحسن صاح

لساني يالحسن صاح … عساها دوم لفراح
نقدم إلك فرحتنه … گبل ما نحجي  حالتنه
عساها  دوم  لفراح

شنهو  معنه  الفرح لو ردنه نجي انحلل المعنه
الفرح  مو گعدت مجالس زاهيه و محفل  جمعنه
الفرح معناها انطبق كل مبادئنا و  شرعنه
و  نبدي نفرز يا هو ضرنه امن البشر يا هو  النفعنه
الفرح مو بسمة اشفاف … الفرح تحقيق الأهداف
نشوف أمتنه … قبل ما نشكي  حالتنه
عساها  دوم  لفراح

ابكل حفل نحضر و نهدي الصاحب المولد  بشاير
بالگلب نخفي عللنه و الفرح مو بس  بالمظاهر
خل نجي انحلل انشوف بأمة المصطفه  اشصاير
ليش  كل الأمم وصلت و احنه صرنه  بالأواخر
إذا  ما عندك إجواب … تعال و شوف  الأسباب
إلك تظهر قضيتنه… قبل ما نشكي  حالتنه
عساها  دوم  لفراح

يا الحسن من عدنه بينه للنفس نخلق متاعب
صرنه  لا  مصلح اليصلح لا و لا عدنه  محاسب
الناس  تستكشف علوم و توصل و تصنع  عجايب
و  احنه واحد عله الثاني ينافق و يحجي و  يشاغب
صبح  دينك  و الكتاب … فريسه ابين  الذئاب
نوقع  فوق  تهمتنه… قبل ما نشكي حالتنه
عساها  دوم  لفراح

يا  الحسن هذي عللنه و انت عالأوضاع  شاهد
تنتقل  عدوة مرضنه صفت من واحد  الواحد
الذنب  ما  نقدر نلومه لون جان الراس  فاسد
هذي  أمتنه ووضعها بين مغرور و  معاند
إذا  نكشف المضمون … أهل الشك  يلومون
نجي و نحفظ كرامتنه… قبل ما نشكي حالتنه
عساها  دوم  لفراح

يا الحسن الحق توضح إلنه و المخفي  تجسد
رغم  أصحاب  الضلاله شرع دين الله  يتخلد
نسأل المعبود ينصر أمة الهادي محمد
و هالحفل يم أبو اليمه بكربله هناك  يتجدد
أريد أسأل المعبود … يردنه الكربله اردود
و نعيد اهناك حفلتنه… قبل ما نشكي  حالتنه
عساها  دوم  لفراح