أبيات أبوذيّه في مدح أهل البيت عليهم السلام

وردنه كفر كلمن تحدانه وردنه
و نحرمه ساعة المحشر وردنه
أهل بيت النبي من شم وردنه
ويشم ريحة جنان الله الشذيه

يمن حبكم نعيم إلنه وجنه
وولايتكم حصن واقي وجنه
سعيد الملتزم بيكم وجنه
هواكم يهل بيت النبي الأطياب

ابمسك آل النبي الهادي تمسك
دوم ابعروة الوثقى تمسك
ابلهبها الحاطمه لا تظن تمسك
تمس الخالف الهادي ووصيه

غالب زهت للعالم وياهم
و فضلهم بان للوادم وياهم
الشرف و الغانمه يسعن وياهم
و صعدوا فوق هامات الثريه

ابفضل آل النبي انشأنه وربنه
وشبحنه النظر بس الهم وربنه
شمسهم بالفخر تسطع وربنه
جعلهم سادة اشراف البريّه

وحگ المصطف المنزل ولايت
مثلهم ما تجي صفوه ولا يت
موالي واعرفت بالحگ ولايت
اهل بيت النبي واجب عليّه

شموس او زهت للعالم وياهم
وفضلهم بان للوادم وياهم
الشرف والغانمه يسعن وياهم
وتدانوا فوگ هامات الثريّه

گِطَعْ مِنْ گَلْبي هذا البَتْ وهل بيت
گِلِتْ لا بُدْ تِرِحمُونِي وَهل بيت
إعِرْفَنْكُمْ أهل عِصْمَهْ وَهَل بيت
وِلاكُم فارِضَهْ رَبِّ البَريَّهْ