شاعر: ياسين الرميثيرادود: جليل الكربلائي
إجري العبره
إبجي المسلم
مسلم بالشده ايندبونه
إبجوا المسلم لا تنسونه
امصيبة مسلم ما ننساها
بابه الوادم تتعناها
ما ننسه جثته السحبوها
جثة مسلم ما دفنوها
احسين اينادي و يتواره
بيه غدروا قوم الغدراه
من جته اعلومه و استخبر
ناده زينب ظنوة حيدر
يا زينب قام ايناديها
جابتها و من عاين ليها
و بحضنه الطفله قعدها
قام المظلوم ايناشدها
قامت تبجي بحضنه الطفله
قام احسين ايهل الدمعه
قالت له و قامت تتحسر
تمسح راسي قلبي اتفطر
يا عمي و ايتيمه جني
يا عمي و هيجته الوني
إجري العبره
و إجري العبره
و الوادم قبره يقصدونه
واجب عل الإسلام اتذكره
للزهره بجت عيناها
بالحاجه و تورد من بحره
و اعظامه المسلم هشموها
ظل مرمي جسمه اعله الغبره
مسلم ما جتك أخباره
قطعوا يبن الزهره نحره
الحالة مسلم قلبه اتفطر
و المسلم ظل يجذب حسره
بت مسلم خويه جبيها
اتغير وجهه عود العتره
لاجنها تبجي الوالدها
اشلونج عمي و هزت صبره
مسلم وينه عمي اتكَله
نادت مسلم قطعوا نحره
من شفتك يا ضنوة حيدر
و اعياله تتباجه ابكتره
عودي مسلم قوض مني
غدروا عودي أهل الغدره
مصدر النقل: موقع القصائد الولائية
3مشاهدة