أبيات أبوذية

يبني راس الغانمه بيّن  شبابك
و جمر نيران لوعتها  شبابك
يلكبر  من طفو شمعة  شبابك
طفو شمعة اعيوني آل اميه

لساني يلهج باسمك ويتلاه
عقب  شمعاتك  اخيامي  ويتلاه
يلكبر  رحت من ايدي  ويتلاه
المصايب و المحن يدعن عليه

مثل  ضي  الورق زينب حناها
و مصاب الأكبر و جاسم  حناها
تشوف ابدور برض الطف  حناها
الدمه و زفتها المنيه

عقب ما زلت الحومه من  اضماي
و  سيفي شتت إرجاله من  اضماي
يبويه جيت أشكي لك من غضماي
ضامي  و تستعر نيراني  بيه

كم  قلب امتله ابحزني ولي  شاب
و  حرقته ابجمرة امصابه ولي  شاب
إلي والي انقطع نحره ولي شاب
الأكبر  و أخذته مني المنيه