هذا اللي صار

هذا  اللي صار …. بعد المختار
غصبوا حقي و مارحموني و هجموا علدار

حين  استسلمت روحه لمناياها**و رجعت راضية لربها نفس  طه
أشباه  البشر  بانت خفاياها**و نكرت للنبوة كل  وصاياها
ظهرت  أحقاد و الجور نعاد***و انزالت من بعد الهادي كل  الأستار

قومه  ارتدّوا و عادوا على الأعقاب**أول فعل منهم هجموا على  الباب
و  جم سائل سأل هالضلع ليش انصاب**محد يدري محد يعرف الأسباب
ضلعي  المهشوم  يعتب و يلوم***ليش اتهشم و آنة بصدري نابت  بسمار

جن غصب الفدك ماجان يكفيني**انكسر ضلعي و تصب دمي و دمع عيني
آنة اللي حديث الهادي يعنيني**هذي فاطمة الياذيها  ياذيني
ضلعي  الكسروه حقي الغصبوه***باجر الهم وقفة طويلة قبال الجبار

الهم  موقف ويا الباري بالمحشر**يسأل عن فدك مغصوب و  اتصادر
عن  كسرة ضلع علباب تتوجر**عن بيعة انغصب الها الوصي  حيدر
و  يصير حساب و أهل الأنصاب***لا شبهة و لا شك بالمحشر ماواها النار

لا  نفعت  الدعوة البيها أهداهم**و لا نفعت وصية والدي  وياهم
رجعوا  للوثن  و ابليس أغواهم**إغتروا و بجهنم تالي  مثواهم
تحملت هموم قلبي المالوم***لمن طيحوا محسن جتفوا ايد الكرار

بين  الباب و الحايط جنيني طاح**و للبيعة غصب مجتوف حيدر راح
من كل عين لأجل الدمع هل و ساح**و العالم العلوي لحالي ون و  ناح
أم السبطين تطلبكم دَيْن***حق ضلعي و حق محسن ابني و حق حامي  الجار