بالدمع واسوني

بالدمع    واسوني…فاقده    و    تدروني
جدي    ما   ينساكم…بالحشر   يرعاكم
يوفي    جدي   اوياكم   …يوفي   جدي

طفلة   الحسين  العليله  و  الحزن   عنواني
ما  شفت  غير  المصايب و السهر  يرعاني
وينكم   يا  شيعه  وينه  اليحزن  الأحزاني
ألف  رحمه  اعله اليون لي و الذي  واساني
أنعه     و    اتسمعوني…بالعزه     عينوني
طه     يتلقاكم     …بالحشر      يرعاكم

هذا  آنه  و هذا حالي و لوعتي و  مأساتي
محد   اتحنن   عليه  و  لا  مسح   دمعاتي
ساعدوني    الليله    لمن    ترتفع   آهاتي
أشهد  إلكم  بالحشر  عد  فاطمة  مولاتي
يا   من   اتعزوها…الليله   و    اتواسوها
فاطمة    تلقاكم    …بالحشر     يرعاكم

حسين أبويه و من مصابه ما تركت الحسره
ليل  و  إنهار  اعله  حاله أبجي ويه  الزهره
و   اليواسيني   بمصابي   الله  عظَّم   أجره
ما   يخاف   ابقبره   حيدر  اللي   ايحضره
بالقبر      يلفيكم…حيدر       ايجازيكم
حاشه     يتناساكم…بالحشر      يرعاكم

سارحه  ابعيني  دموعي  قلبي  هاج  اونينه
وينه   من   يلطم  علينه  و  اليعزي  وينه
طفله  بس  ما  أنسه كلمن يحضر  ايعزينه
يدخل  الجنة  بشفاعة  فاطمة  و   هادينه
طه     بيده    اوسامه…ينتظر     خدامه
هوا     يتولاكم     …بالحشر     يرعاكم