فاطمة الزهره شافت الطبره

فاطمة  الزهره  …شافت الطبره
تنظر  الحامي الحميه … تجري دمعات  الرزيه
فاطمة  الزهره  …شافت الطبره

علي  خلصت حياته و راح يشكي إهموم  للزهره
جانت  بإنتظاره إهناك و إجه يخبرها و  تخبره
تقله  يا  علي وينك عليَّ طالت  السفره
أهل الجنة مشتاقين عليهم شوفتك  حسره
إبلوعه و بحسره…قامت  إتخبره
غيبتك صارت بطيه …و تجري دمعات  الرزيه

الهادي  شاهد المنظر بين الزهره و  الكرار
إعتاب و نوح عالفرقه يسمع منهم  المختار
تقله  يا  علي بعدك ما تدري عليَّ إشصار
بعد عملت كسر ضلعي و الصار إعله باب  الدار
بالجره إتذكره…تجذب العبره
و كل ضلع حدره شجيه …و تجري دمعات الرزيه

بين الزهره و المختار جلسن بهموم يتحسر
بده يشرح حزن قلبه و عليه الصار يتذكر
يخفي طبرته و ينحب و الهادي حضن  حيدر
و  شافت فاطمة امن اقفاه راسه امهشم  امطبر
إحتارت  بأمره…سإلت   إتنظره
شافت الطبره الزجيه …و تجري دمعات الرزيه

يقله يا رسول الله شفت بعدك أشد  إمصاب
بقيت  آنه جليس الدار غدر جازتني هالأصحاب
بوصيتك  حزمتني إحزام و عصروا فاطمة  بالباب
إبسيف  الحقد يالهادي طبروا راسي  بالمحراب
و  فاطمة  اتصبره…قعدت  إبكتره
إتنادي يا سيد البريه …و تجري دمعات  الرزيه

صاحت فاطمة بويه و قلبها امن الحزن مالوم
خبرني منو الأكثر حمل من الأعادي  إهموم
أشد  طبرة علي الكرار لو ضلعي الصبَح  مهشوم
يقلها  ويلي يالزهره الكل منكم إهو  مظلوم
ضلعي و الكسره…لو على  الطبره
إتنادي و الونه خفيه …و تجري دمعات  الرزيه

يحاجي  الهادي و الزهره بعدكم عشت بالغربه
قابلت الدهر وحدي و إعليه علن حربه
يا  هو اللي مثل قلبي حمل نوح و قهر قلبه
تقله  الزهره  يا حيدر علينه فرقتك  صعبه
عشت  بالذكره…ناري  مستعره
يا علي إشطايح بديه …و تجري دمعات  الرزيه