بالمهل يا شايلين جنازته لا تنزلون الحبيب بحفرته

ريضوا بنعش الولي خل تنظره جملة أحبابه وأهله وعزوته

واليتامى والأيامى تودعه خلها تتزود بنوره وطلعته

يا علي ما گدر أعاين حالته ذايب أفادي ترى من شوفته

راح سلطان المدينه وظلمت الدنيا علينا

محد إنصاب إبمصابي

يا علي إشلون الفجيعة هدت أركان الشريعه

آه يا جمرة عذابي

هدمت عزي وكياني والدهر بعده رماني

يا عظم هللي جرى بي

من يضمدها جروحي يا علي فارگت روحي

من يسليني بجوابي

يهي وحشه علينا وياهو مصاب بعد ما نور عيني ومهجتي وغاب

وخلاني حزينة بگلب مرتاب

يا ليتك يا علي يا داحي الباب تواريني معاه وتهل لتراب

وتوسدني بكتره اليوم لحساب

أني المفجوعة ما حد مثلي أنصاب واني جرحي الذي دامي ولا طاب

وصبيت الدمع بالخد سچاب

واني اللي صرت بعده في رزية وكئيبة

و اني اللي ظلمت الدنيا علي بمغيبه

يا ليتك يا علي تدفني وياه وتوسدني بطوله روحي تفداه

تراهي مچيدة العيشه بلياه

لظل طول العمر أبچيه وانعاه واجر الونة بالحسرات والآه

عظيمة هالرزية وصعب فرگاه

صعب تشرگ البسمة دون محياه وصعب يطيب والله العيش بهناه

يا ليت البين ماخذني وخلاه

آه يبو القاسم لو دريت شلون بعدك رحلة الالام

ما رعوا حگنا خالفوا بويه الوصية طغمة الأجرام

آه يهي محنه خانت الأمة وليها وردت الإسلام

رفضوا القرآن جاهلية الإمة عادت تعبد الأصنام