دم وحزن ودعناك تبچي الدموع الفرگاك
ليلة رهيبة آه يالمصيبة
بحبك بنذوب ساطي بالگلوب
وعنه ما نتوب مهما تجرعنا
لو مهما يصير ذبح وتهجير
گتل وتفجير نهجك آمنا
حبك غذانا وصرنا ليك موالين أنت الرحمة اللي تحفنا ولبيها ندين
وتمسكنا بلولاية وبهذا الدين شيعة ولا ما نتغير دربك ماشين
نهجك يرسم مبدأنا يابولحسنين اخترناه وقررنا وبيه متمسكين
حبك مانعوف لو مهما نشوف
ما نخشى الخوف ثابت مبدأنا
أنت القرآن روح الأيمان
نور الأكوان بيك تمسكنا
لو بالنار يحرگونا ويردونا نحيد عنك ما نتخاذل يا سر التوحيد
ما نتبرى وما نركع مانوالي يزيد غايتنا و عشگ العترة يكبر ويزيد
في حبكم لو نتعذب هو أكبر عيد عن خطك ما نتنازل رغم التهديد
ولمايلزم رايتكم خاسر تأكيد لو صلى وصام وزكى ولو حج ما يفيد
من عالم الذر نكتب حب الولاية ونحسب
ما هو حسب عدنا ونسب وصلنا هذا المكتسب
ولا هو غريب ولا عجب رحمة من الباري وسبب
الله اختارك يا المحب وهالنعمة ربك لك وهب
هذي العوالم مظلمة ونار الفجايع مضرمة
وجبريل نادى في السما مات الولي حامي الحما
زينب تنادي فاطمة من صغر سني ميتمه
هذا الحسن من يلثمه وحسين يا هو ال يلزمه
أنت نبراس الهدى وسوره وعماده وانت سيف الله ودستوره ورشاده
وأنت ياباا لحسن نهجه اللي أراده يغمر العالم ويعم بيه السعادة
وللذي والاك يتحقق مراده فاز دنيا وآخره البيك اعتقاده
أبد ما تحلى لغيرك هالقيادة خاب من عاداك ماتفيده العبادة
علي يا علي ونعم الولي
يانور الهداية يابا الحسن
الك نلتجي وبك نرتجي
تعمنا الرعاية طول الزمن
يابونا رحيلك إشگد صعب
من اللي يدا ري عنا الفتن
تخلينا بين ال ذئاب وتصد
دواهي وفجايع تصب ومحن
تمت بعونه تعالى في كرزكان
ذكرى استشهاد أمير المؤمنين (عليه السلام)
2006/10/06(الثالث عشر من شهر رمضان المبارك 1427)
نعم فمصيبة أمير المؤمنين أبكت السماوات والأرضين وأبكت ملائكة السماء
وقرحت جفون شيعته ومواليه
أتمنى أن يستفاد من هذه المقطوعة لمواكبنا العزائية .
تحياتي الولائية
أخوكم
جعفر كتاب
2006/ 10/10ليلة رهيبة 2
ديوان السادة
47
سطرًا