جور ملوك عصره

آل الطريد ابمملكه و عيشه هنيّه و آل النّبي اتطاردهم احتوف المنيّه

مروان عن قرب المدينه جان مطرود اعْليه الجلا مكتوب حاله حال ليهود

و هسّا على منبر الهادي منّه اقرود تحكم و تلعب بالشّريعه الأحمديّه

مدري خلافه لو خلاعه ولاعبه دور بين المزامر و الاغاني و شرب لخمور

و آل النّبوّه بين مطمور و مأسور و الاّ شريد و ضايجه اعْليه الوطيّه

يجلس الطّاغي عْلَى السّرير يحوّل العين يحكم ابزيد و زيد ، يلعب على الاثنين

آل الوزَغ تحكم ابآل الحسن وحسين بالحكم مرتاحه وبنوالهادي رعيّه

زيد الشّهيد ابمجلسه واقف و محتار اُووسَّعوا جلستهم سلالة صبية النار

خزر الحواجب بين ضلّيلٍ و جبار تنفث اسمومٍ وارثتها من أميّه

قلّه بعد نفسك تمنّيك الخلافه قلّه نعم لكنها هالبيدك جلافه

شان الخليفه تقتدي النّاس ابعفافه وانتو رجعتوا النّاس كلها جاهليّه

و اللي يخاف امْن السيوف الذّل يعلاه ولا نال عز اللّي يحاذر من مناياه

وانكاره المنكر حليف الجذع خلاّه مصلوب و اتعشعش ابجوفه الرّاعبيّه

مصلوب ثلاث سنين فوق الجذع خلّوه بين الملا وعقب الصّلب بالنّار حرقوه

هالفعل حتّى بالكفر ما قط فعلوه وخير الرّسل جازوه بافعال الرّديّه

هذا جنا الشّجره الملعونه و ثمرها صبّت على الباقر مصايبها وشرها

وكابد أبو جعفر مكايدها ومكرها جان اسمعت بالسّرج وبذيج الهديّه