يا رب يعودك بيمينك جودك

سكنة وأنتظرك يا حماي

محزونة وذايب مني حشاي

يم الباب الخيمة أترقب يا عمي تعود

روحي أنثرها من جسمي عالأرض ورود

يا راعي الباس وأدري به وفاي وعود

جودك ظلّ بعيون الدنيا لا ما له حدود

أنتظرك سالم ترجع ليّه

صبر على غيابك ما ظل بيّه

أتمنى وجودك يالوافي وعودك

أطفال تنادي الماي الماي

وآني من عقلي تاه الراي

كل نبضة بقلبي لو تنبض تاخذني وياك

تمشي على الموت وتنظر له ما بين عداك

تنظر العمود اللي براسك تنظر يمناك

السهم اللي صاب عيونك للشط خلاك

صورة بعيوني تزيد وني

يا عمي الصابك والله فتني

صوبني عمودك يالوافي وعودك

خابت آمالي وكل رجواي

ردتك ترجع ما ردت الماي

كل صهلةمن خيلك تشعب قلبي المحزون

ويتكسر دمعي يالغالي محجر العيون

يا ريت الموت يوافيني عمري المدفون

وتحت ترابك بس لا أسمع ما تتيلون

جفيني القطعوا مو جفينك

سهمك بعيوني مو بعيونك

زنودي زنودك يا الوافي وعودك

ودي بفراقك تجري دماي

آني المذبوحة بسيف عداي

منظر ذب روحي عالغبرة راواني البين

من شفته من الحومة عوّد للخيمة حسين

ايده على ظهره ودموعه فوق الخدين

يتحسر ويلي على فراقك يا وافي الدين

شمتت عدوانه ذابت روحه

هيجت أحزانه ونار جروحه

في الشدة يريدك يالوافي وعودك

ريتك يا عمي جنت وياي

ضاقت من بعدك كل دنياي