آخر الأخبار

ديوان السادة

الموال - مهولة شﮕد مهولة

25 سطرًا

الموال

مهولة شﮕد مهولة يا مصايب كربلاء

يا طعنات و مداها لراسي ما يتحمله

كفيله بمنظر تهز السماوات العلا

و تفت ﮔللب الحجر لو لحظة بس يتخيله

سمعنا و ﭼم سمعنا و نسمع بمر الدهر

و نسايل لو نظرنا يحتمل منا النظر

مثل زينب صبر في الدنيا ما ظني انخلﮓ

حزنها لو سكب روحه على العالم شهد

و لو غطى البحر بفيوضه و امواجه غرﮒ

جزع ما نطﮕت و فيها العجب حار و نطﮓ

سلام الله عليها حايرة في كربلاء

لظى نار بخيمها و الأحبه مجدله

شافت الكافل غسيل بدمه صوب المشرعة

جوده يمه و الأيادي يا حسافه مﮕطعه

غايص بعينه السهم و الهامة توصف مصرعه

تعتب و هذا العتب يا حسرتي من يسمعه

كافلي يبو الفضل يالعفتني بالعطاشى ناحله حيرتني

بذمتك مني الوطن يالجبتني و ضيعتني يالأخو ضيعتني

شافت حسين بسهم ﮔللبه طريح و معتفر

بالحجر ينزف جبينه و العطش لسعة جمر

شافت الحظة اللي فيها تعلى بنعاله الشمر

حز وتينه و راسه شاله عظم الله الأجر

نوحت يابو علي يا أملنا انته دامي و العدا سلبتنا

حرﮔت الخيم ترى و شردتنا و للسفر على الهزل قيدتنا

شارك هذا المحتوى
6٬800مشاهدة