يا الحادي بالله اعليك نوخ اظعوني و لخوتي هالرديت خل يشوفوني

ريض يحادي الضيم و امشي اعله هونك و ابكربله أنخاك جدم اضعونك

تدري حرم و أيتام هالينذبونك تحدي بعد لاوين مو عذبوني

من اليسر رديت للغاضريه و عندج عفت ولياي فوق الوطيه

اقبور إخوتي جاوين و بيا ثنيه و عنهم غصب يا حيف يوم الخذوني

يا كربله امن الشام مهضومه جيتج تنسيني إنتي اشلون يا الما نسيتج

و شفت الحزن و الضيم يوم اللفيتج و خذري فقدته بيج و قومي ولوني

دليني بالله اعليج ابيا كتر قبره أشجي الهضم لحسين و ابحالي أخبره

لو صخر قلبي ايذوب حسره اعله حسره أيتام أبو السجاد و الله سبوني

زينب هوت كالطير يم قبر أخوها تشجي له بيها اشصار ابيوم الولوها

و امجتفه فوق النوق من ركبوها اتقله ينور العين خويه اهضموني

يبن أمي زيح اتراب قبرك يوالي من اليسر رديت يمك يغالي

اقعد و شوف اشصار خويه اعله حالي يا خويه ضرب الصوت ورم امتوني

قعدت لعد عباس كافل ظعنها ونت و حته القاع ونت الونها

زينب لفت تنخاك ردها الوطنها