ما تساعدني يا جابر عله امصاب اللي دهاني .... ما مثيله امصاب

و تنظر السهم الشماته اشلون صك عيني و عماني .... و الدليل انصاب

و انظر الكوز المقدر جم سهم ماضي رماني .... و الجرح ما طاب

امصاب للعيله سباها و مثل سبيتها سباني .... ابديرة الأجناب

بين السلب بين النار .... لا خيمه ظلت لا دار

تسلبنه .... و توصبنه .... ابمصايبنه

يا جابر إخذ الأخبار .... عقب الأهل تدري اشصار

تيسرنه .... تحيرنه .... ابمصايبنه

كربله ثقلت عويل الحرم و اتثقل عويلك .... و الهضم يرعاك

و شفرة القطعت دليلي بيها يتقطع دليلك .... و فجرت عيناك

و المصاب الهدم حيلي ينهدم من صبره حيلك .... و الخبر وافاك

و لو ردت عن عمي تنشد إنشد الشاطي ايحجي لك .... شنهو صار اهناك

و اتشمت بينه الناس .... ابقطعت اجفوف العباس

تصدعنه .... و تلوعنه .... ابمصايبنه