ردّ الظعن بالعايله .... خويه يا عبّاس خويه يا عبّاس
انهض يخويه استقبله .... خويه يا عبّاس خويه يا عبّاس
* * *
ودّعت لحسين اخوها زينب الحرّه العقيله
وصدّت الصوب الفواطم والدمع فجّر مسيله
نادت امشونه يهلنه للچنت عنده چفيله
امشو للعبّاس أخبره ابمحنتي وارد اشتكيله
والحرم ضجّت معوله .... ولطمت عله الراس
ونادت يبن عقد الوله .... خويه يا عبّاس خويه يا عبّاس
* * *
يم گمر هاشم تعنّت نادت ابصوت الفجيعه
انهض استقبل ظعنّه يل طحت فوگ الشريعه
هاك اخذ عيناي منّي يل چنت عندك وديعه
گوم اخذ چفّيني منّي وعوّض اچفوف الگطيعه
چفّي اويه چفّك بدّله .... يا أعزّ النّاس
وامسح دموعي الهامله .... خويه يا عبّاس خويه يا عبّاس
* * *
دمعتي من عيني سالت من رحت منّي ضحيّه
والعده حرگت خيمنه والخدر راح امن اديّه
واصبحت بالطف يسيره وطايحه بيد آل اميّه
وعل هزل خويه ارچبوني وانعكس دهري عليّه
بيدك چنت متدلّله .... لن بيد الارجاس
يلّلي جبتني الكربله .... خويه يا عبّاس خويه يا عبّاس
* * *
والله يا خويه اهضموني يا بعد روحي يغالي
عل هزل يسري طعنّه من بعد عزّي ودلالي
ساعه عدوانك تسبني واشتمت حيدر يوالي
وساعه‌تضربني‌اعله‌متني والحرم تبچي اعله حالي
يا هضم گلبي اليحمله .... ودلاّلي حسّاس
ونوحي‌ابهضم ردّ واعتله .... خويه يا عبّاس خويه يا عبّاس
* * *
هالگلب من يبره جرحه ينلچم كل ساعه جرحه
والظعن بالشام صبّح وريت أبد ما شفنه صبحه
خويه كل هايه المسيره وراسك ايلوح اعله رمحه
وظلعت الوادم تشاهد محنتي وچن عدها فرحه
فرحانه أشرار المله .... الما تملك اءحساس
ودمعاتي الك متواصله .... خويه يا عبّاس خويه يا عبّاسردّ الظعن بالعايله
قصائد قريبة من الجو نفسه
ديوان السادة
37
سطرًا
