هذي كربله جينه ووصلناها ...ووصلنه كل مصارع أهلي شفناها

بسما وصل بينه الحادي لرض الطف تذكرنه الجسوم السالت ادماها

و انعادت علينه امصيبه الوليان يوم الهوت علغبره و فكَدناها

و ذكرنه الأكبر اللي طاح علغبره و سيف الصوبه و لدمومه أجراها

و ذكرنه جاسم العريس و الزفه و جفوفه بمسيل ادماه حناها

و بهذا المكان انذبح عبد الله و ركَبته بسهم غادر حرمله ارماها

و هاي المشرعه و مصرع كَمر هاشم و ذكرنه السهم لمن عينه طفاها

هذي كربله و مصرع أبو السجاد و كَطعت منحره الدامي ذكرناها

و بهذا المكان انهشم صدر احسين و بهذا الكتر جثته الكَيناها

و اهنا هجمت الخياله عللأيتام و نار الخيم محد إجه و طفاها

ما ننسه المصيبه اللي جرت بالطف أهلنه اتذبحت و اشلون ننساها