يابن أمي وصبي عيني..... وانه بغرب تدريني

بيدي وعلگت شمعة سابعك بيدي

حسين ياشمعة حياتي علگت شمعة سابعك

من جمر نار المصيبه الشاهدتها بمصرعك

وعالجثث مرينه يوم البيه ردنه نودعك

شفنه الجسوم مجطله... بدم الوريد مغسله

روعني منظر كربلا.... والفجع گلبي إفجعك

روحي ظلت تحوم على الجثث روحي

والسوط متوليني...... وانه بغرب تدريني

بيدي وعلگت شمعة سابعك بيدي

إلك يامظلوم سابع من گضيته بكربلا

وإلنه سابع من سبونه ويتموا هالعايله

ولإبنك السجاد سابع گيدوه بسلسله

والمرض ناره لمهجته .... وبگلبي جمرة غربته

ياضيعتي ويا ضيعته.... شحال المفارگ هله

ذبني من عگب عينك والدهر ذبني

وسهم الفگد ماذيني.... وانه بغرب تدريني

بيدي وعلگت شمعة سابعك بيدي

إلك سابع يوم لمن فارگت هاي الحياة

وإلنه سابع يوم كل ساعه ويمر بينه الممات

سلب شفنه وحرگ شفنه والمتون مورمات

يابن أمي من كثر الضرب .... خلانه مانشوف الدرب

ودموعنه لفگدك تصب ... وحگ رب الكائنات

علينه والخيل لمن هجمت علينه

والسوط متوليني... وانه بغرب تدريني

بيدي وعلگت شمعة سابعك بيدي

آه يابعد أهلي وعمامي وروح روحي وسلوتي

رحت مني وعگ بعينك تجري ظلت دمعتي

وفگد عباس المشكر والكفلني من إخوتي

خلف بدلالي جمر.... وشاهدت بعيوني اليسر

ماتم إلي راي وصبر.... راح جابر كسرتي

ظهري من عگب عباس إنكسر ظهري

وسهم البعينه بعيني... وانه بغرب تدريني

بيدي وعلگت شمعة سابعك بيدي

من سگط حامل لوانه وانه بالشده طحت

تذكرت أيام حلوه بظل گمر هاشم عشت

لگبر جدي للزياره بليل من اطلع چنت

عباس جيدوم إخوتي... ويمشي الحسن عن يمنتي

وحسين يبرى ليسرتي... وحيدر بذاك الوكت

لحالي تمنيت عينه تنظر لحالي

والدمع ما يرويني.....وانه بغرب تدريني

بيدي وعلگت شمعة سابعك بيدي

من عگب عزة جلالي والدلال البيه عشت

بديرة الكوفه يسيره وفرجه للوادم صرت

بالعليل وباليتامى وحگ جدي تحيرت

لا تهجع ولا تستكن .... تشعل دليلي من تون

وإبنك بگيده ممتحن....وبالمصيبه تصوبت

حايل والگدر يابن أمي وگف حايل

مابينك ومابيني.....وانه بغرب تدريني

بيدي وعلگت شمعة سابعك بيدي

آه من رحّى النوايب طحنت ظلوعي طحن

ومن تون يمي اليتامى الگلب من يمه يون

هاي تصرخ ذيچ تبجي وگابعه بثوب الحزن

رمله على جاسم فازعه.... وليلى لولدها مروعه

وأم الطفل متلوعه... لا تهيد ولا تچن

گلبي صوبني سهم النايبه بگلبي

وعيالك السابيني.....وانه بغرب تدريني