نتبرى يا حامي الحمه من العاداك

ونوالي يابالحسن كل من والاك

بحماك باچر بحماك ..... يخسى الذي يعاديني

يابو الأيمه بحبك يعادونه

والميل عن درب العدل يردونه

والعارضك هاجت عليه جنونه

العاداك خله العاداك ... فد معجزه يراويني

لوگال إلي صاحب أگله وينه

خل يگعد وفد معجزه يراوينه

صاحبه اللي ما عرف ربه ودينه

وانساك خصمك ونساك.. وعلى البطل يهجيني

وإحنه نگله إگعد يامن مالك راي

براعي الولايه تحاجج اليوم وياي

شوف التباهي ياخصم إلمن هاي

دعواك هي دعواك.... بينك نحلها وبني

لو ردت انشدك يالخصم شتجاوب

يامن شارك للدين واهله ناصب

عن يا دليل للحگ علينه غاصب

شغواك گلي شغواك ... ما تكتفي بتبييني

لو گتلك تصدگ بنص الآيات

حيدر اميري الي يگف بالشدات

نتبع رايك مستحيل وهيهات

بهواك فاشل بهواك..... دنصف ولي حاچيني

ياللي تعاديني وغواك الشيطان

وبليس وسوس لك عدو الإنسان

چنك يا واهم ما قريت القرآن

أنهاك تترك أنهاك.... مايمكن ترضيني

بسك يا واهم بالعدل تتعرض

تيهت رشدك وانحطاطك للحظ

لو ردت تنكر حيدر شتتعوض

عيناك عميه عيناك... بالحشر وتلاگيني

لا تعترض يالحاسد بغيضك موت

واتبع أصحابك أصحاب التابوت

وانه بذرى حامي الدخيل المنعوت

تفداك روحي تفداك....... ياللي ذچرك يسليني