نحبه انقضه و ما حضر واحد يمه ....بس ابن عمه الجان يكشف همه

و الأمه هرعت للسقيفه الأمه ....و اجنازة الهادي هاي ما واحد اتعناها

من هالصحابه انقطعت ابتوت الضن ....حيدر ابنفسه اتوله أمر المدفن

السبعه الشداد ابها المصاب ارتجن ....ابيوت الشرف و الإحسان فقد النبي يبراها

الكرار جهز للرسول الأجفان ....و ابجفه وسد جسمه بين التربان

فوق النعش دمعاته هلت غدران ....ابيا عين شافه ابيا عين و الجثته واراها

غاب الشعاع الجان يزهي بسماه ....ظلت أملاك السمه اتنوح و تنعاه

جسمه اندفن و اندفن دين الله اوياه ....و الروحه أصبح جبريل ابجبد السمه ينعاها

يوم الرسول أصعب و أشد من كل يوم ....بمصابه جبرائيل محزن و يحوم

لا تلوم كلمن تجري دمعاته ادموم ....غالي النبي اعله الأملاك روحه الأمين أرثاها

صدر الديانه اتكسرت عبراته ....قلب الشريعه اتكاثرت آهاته

شرع الكتاب اتروعت آياته ....عقب النبي هالآيات صوت الحزن يتلاها

بديار مكه انبنت أركان النوح .... كل ساعه صرخه ابعالم العلوي اتنوح

امصاب النبي جم قلب صاب و جم روح .... بالعليه أنباء النوح صوت النبي أنباها