يا من العيني ضواها و النظر مولدك رحمه و سعاده للبشر

يا قلب حيدر يروح المصطفه اتفرعت منك ينابيع الوفه

بالكرم جفك محيط انوصفه ماجت اعلومك مثل موج البحر

برعم الحكمه ابفضل جدك نمه و فاضت ابجفك بحور المكرمه

سادس العصمه اجعلك رب السمه و رابع اليمه فخر لهل الفخر

رابع اليمه و منار الشيعتك عالعهد نمضي و نواصل سيرتك

ابفرحة المولد نجدد بيعتك بالعمل نتبع مسيرك و الأثر

بحر و أمواجك تفيض و تعتلي يا علي و إسمك اسم جدك علي

ابقاعدة حبك تشيد منزلي و منزل اعداكم صبح بأسفل سقر

صرختي اتهدم صرح كل ناصبي آنه متولع بأهل بيت النبي

و انته يالعاذل بعد مني اشتبي اصحه من نومك قرب وقت السفر

باجر المحشر يعاذل و الحساب من يسألونك اشنطي يا جواب

احنه شافعنه علي داحي الباب و انته مثل اللي اشتره و باع و خسر

احنه بالجنه يغازلنه الهوه ويه هادينه النبي نقعد سوه

و انته بالظلمه تدور لك ضوه تشبه المكفوف يدور عالدرر