يا مُحمَّد فاطِمَّة ظِلموها...والأمانَة اِلگُوم ماصانُوها

والله بَعدَك يارسول المَرحَمَه...إعيون فاطِم يِجرن إدموع اُو دِمَه

فاطمة إخلافك أبد مو فاطمه...إبلاية رحمة إنعِصرَت اُو شِتموها

يا مُحمَّد بابهة مِن إندِفَع...وِگعَت اِلمظلومة والمحسن وگع

عَرش رب الكُون عالزهرة إنفِجَّع...والملائِك نِزلَوا إيواسُوها

اِلوديعة إعيونهة تِتجارة دَم...اشگد گلبهة يانبي الكون إنلِچَم

رَدَّت أصحابك مُحمَّد للصَنَم...مانِسُوهة الچانوا إيعبدوها

غَمَّضِتهَا اعيونك اُو صار إنقلاب...والأَسَد بإغيابك إتگَودَة الذياب

يامُصاب المثلة ماصاير مُصاب...بيت حيدر حُرمِتَة هِتكُوها

اِبيا وكت مكيود أمير المؤمنين...بيت حيدر مهبط الوحي الأمين

هذا بيت اِيحبة رب العالمين...اشلون بابة إبنارهُم حِرگُوها

اِيساعد الله اِشلون شَيَعهة الولي...إيصيح يالزهرة منو بعدچ إلي

والله دِنيَة اُو مِنكِسِر ظَهرة علي...زَّهرَة وأَصحاب الغَدِر گِطعوها

اِب هالفعايل غاية عِدهُم يالبشير...حيدر الكرار ما يريدونة أمير

لكن الاول يضل والكُل أخير...احچاية هاية او لازم إيفهموها