ويلي صاحت تنحب الواليها الشيعه و افراق الولي سابيها

شيعه و تعنت تون ببجاها للبقيع و تربي منواها

و تلتهب نار الحزن بحشاها تنحب و فقد الشهم ماذيها

شيعته الليله تصيح الفاجعه بالمصاب امدوهنه و متروعه

اتنادي راح الجان أعظم جامعه جامع اعلوم النبي هاديها

اشنحجي عن الصادق و آلامه ما نصف بيه الدهر و أيامه

الصوبه قوس الدهر بسهامه اسهام دلاله غده يصليها

عالولي جا ليش غدار الدهر يا ذنب من جعفر الصادق صدر

و عالمصايب مثبه يا واحد صبر جابه ابصبر القلب طاغيها

اسهام غدر الطاغي بالهم صابته قطعت يا وسفه بالسم جبدته

و ظلت اتقاسي المصاب ارويحته بالغدر دهر الخنه ايدوايها

صوبوا والينه بسهام الحقد لوعوه و سمموا منه الجبد

وسفه مثل الصادق ايضمه لحد ووسفه مثل ارويحته امصوبيها

ركن من أركان دين الله انهدم و طاح هالليله من الدين العلم

صاحن بالمصاب زمزم و الحرم يا إذن هالمعضله توعيها

خيّم الليله عله الكون الحزن و ضاقت الوسعه و غدت تنحب تون

و سالت ادموع السمه و قامت تحن حنه بالحسره السمه تحجيها

راح من بيه العلم تم و انعرف راح نبراس الكرامه و الشرف

راح حامي الدين يا حيف ووسف و الشريعه تنحب الحاميها