يا صادق الأمه .... يا سادس العصمه

بإسمك نادينه يا أبو الكاظم

انت يا سادس مصابيح الإسلام .... يا راعي الكرامه

يا نور من الباري الحق العلام .... يا راعي الكرامه

يا منبع فضل منبع جود و إلهام .... يا راعي الكرامه

و احنه ابمعتقدنه .... نحبك يا ضمدنه

بإسمك نادينه يا أبو الكاظم

احنه يبو الكاظم و سر الإرشاد .... نادينه يا مسموم

ننحب الفقدك لحد يوم الميعاد .... نادينه يا مسموم

يعلن الدين اليوم إعلان احداد .... نادينه يا مسموم

يا نبع الكرامه .... يا راعي الشهامه

بإسمك نادينه يا أبو الكاظم

يوم الحزن هاليوم يا راعي الجود .... فقدك يبو الكاظم

و نذكر مصابك نلبس اهدوم السود .... فقدك يبو الكاظم

فاز اللي حبك هذا سر المشهود .... فقدك يبو الكاظم

يبن حيدر ولينه .... و الزهره و نبينه

بإسمك نادينه يا أبو الكاظم

يبن البتول الطاهره يا مولاي .... يا راعي الحميه

دم اعيوني أجري لك يا رجواي .... يا راعي الحميه

حقها لون تطفه المصابك عيناي .... يا راعي الحميه

يالحبك سعاده .... بيها أكبر إفاده

بإسمك نادينه يا أبو الكاظم

ليش القبر متساوي ويه لتراب .... أرد أنشد يا هالناس

إلمن اليوم أشجي هذا لمصاب .... أرد أنشد يا هالناس

يا يوم يظهر سيدي بدر الغاب .... أرد أنشد يا هالناس

يطلع شبل حيدر .... والينه لمشكر

بإسمك نادينه يا أبو الكاظم

يمته يظهر يالصادق نور الإيمان .... من نور الزجيه

وياخذ ابثار المنذبح عالتربان .... من نور الزجيه

و يقصد لعد باب الزجيه بأحزان .... يا نور الزجيه

و يجري دمعة العين .... لجل امصاب الحسين