ضايع و ادور عن بصيص الضوه...يا خير ماني بخير حيلي هوه

مخنوگ يالمهدي و اشوفك هوه...مشتاگ للمشتاگ جفك دوه

دليني وينك و آنا اجيك...إلى متى أُحارُ فيك

ايوب صبري كثر صبري يأس...قارورة الحب دم عيني ترس

كافي يگلولي بعد انسه بس...شلون انسه واحد گمت احسه النفس

گلبي بقه و روحي بديك...إلى متى أُحارُ فيك

من عالم النسيان انه منطرد...يم باب شوگك گمت اروح و ارد

انته الملك اقبلني عندك عبد...يا ريحة الله الخلق منها الورد

و بكل عطش انه ارتويك...إلى متى أُحارُ فيك

ابكلشي اندبك بالدمع باللطم...ناسيك ليش البعض هذا الهضم

بيك النجاة و انته گايل لهم...يا ايها الناس اتقوا ربكم

قله اشوفك التشتريك...إلى متى أُحارُ فيك

وين اللي بالأسحار عندك كليم...انته الصراط الأوحد المستقيم

نصحه مته و نتفاده صوتٌ اليم...زلزلة الساعة شيء عظيم

انته غياث ال تهتديك...إلى متى أُحارُ فيك

شقرالك و كلك جرح منفجع...و منين ما اشوفك يطولك دمع

مبيضه عينك مثل لون الشمع...يبن الحسن شمسوي بيك الضلع

و أي همٍ يعتريك...إلى متى أُحارُ فيك