جدك وبحكم تشريعه

أحنه عاهدنه الصميده وما نخون البيعه

صوت الأحرار يظل خير العمل...حجة الله يمهدينه العجل

يا حليف الصبر يمك بالدمع نادينه

وهذا صوت من الضماير صاح يامهدينه

أحنه وي چف المنايه لجلك إتلاوينه

صاحوا المهدي خرافه ما يجيكم وينه

جرد السيف ألك يحله الزعل...حجة الله يمهدينه العجل

أنت هيبتنه وذخرنه وشيعتك وفايه

لو تطيح إچفوف إدينه ما تطيح الرايه

للبقيع شوكت نوصل سيدي مشايه

يمته يم أم البنين نقيم أحنه قرايه

رغم الخطار يظل بيك الأمل...حجة الله يمهدينه العجل

ردنه صوتك يا بوصالح تنفجر صرخاته

يمته من جامع السهله نستمع كلماته

يمته يسرج خيل نصره ويعتني براياته

كربله كربله الغايه ويوصل الغاياته

جدك حسين كتب أروع مثل...حجة الله يمهدينه العجل

ياضمير الدنيه سولف وأعتني المحبوبك

سيدي وثار الزچيه بالدهر مطلوبك

موقف ضلوع البتول يصير بين هدوبك

وعلى مصاب الغاضريه أسود أصبغ ثوبك

لابد إعداك تراويها الأجل...حجة الله يمهدينه العجل

جرد أسيوف المنايه وإعتني الأحبابك

بالوطن عدنه نشامه وگفت عله عتابك

صيح يا جدي إجيت بهلمسيه البابك

للأبد كربله تبقى وما يطيب صوابك

عنك الطير المهاجر سأل...حجة الله يمهدينه العجل

أعتني الكربله بروحك وبضمير إحساسك

هاي گاع الغاضريه بيها عطر أنفاسك

أعلا من أرماح أميه يبقى عالي راسك

كل زمن فوگ الشريعه ينتظر عباسك

شفنه صرخات ألك منذ الأزل...حجة الله يمهدينه العجل