" من دون حُبك يحسين، ماتسوه كل دنيانه "

من الطفوله خدمتك لازمنه...حُبك تره من الخطأ لازمنه

صُبح ومسه نشكر إلك لازمنه

" وجه وگفه انبوس الإيد، نخدم جبتنه اهنانه "

ننسه الخدامه هالطبع مو عدنه...عدناهه بس إنته النحب مو عدنه

ابمجلس عزائك عالوقت موعدنه

" موعدنه نفس التوقيت، وكت اللطم تلگانه "

امجربه محبتك سيدي شاره الها...روحي وحياتي خدمتك شاري الها

لمحبتك حتى النبي شار الها

" منه انه ومني حسين، ولمُهجتي الريحانه "

شُكراً يبو اليمه اشكثر منطينه...مهما ابعدت طي الأرض من طينه

ربنا خلق كل البشر من طينه

" إلا إحنه من دون الناس، من طينتك سوانه "

ميصير أعز من خدمتك شي عدنه...عندك ملايين الخدم شي ش يعدنه؟

الشيعي الاصلي نسأله شيعي ادنه

" كل شيعي مُخلص يحسين، تريده ونريده اويانه "

خطوة ابطريقك لا أبد م رجعنه...واشما نغرب هم إلك مرجعنه

يابو الشعائر إنته بس مرجعنه

" من إيدك لإيدك هاي، انحسك أبو اوترعانه "

بيت الخدامه والخدم واجهته...وجهة طريقك كل مُحب واجهته

لأجلك يبو اليمه الصعب واجهته

" شمرة أخوك العباس، بالخدمه ماخذ انه "

نرخص يبو الأكبر إلك ناظرنه...ابهاي الخدامه المُنتظر ناظرنه

ورضوان باجر بالورد ناضرنه

" عنوان خادم الحسين، جنة عدن عنوانه "