((ام البنين ))

گالوا ما يمر بيچ .... راح وچنه ناسيچ

گلتلهم اتاني ... گلتلهم اتاني

**********

منّيتچ گربت كالت تره الناس...دسلميهه الامانه وكطعي الانفاس

گلت يهالخلك شو عندي احساس...ابرجل حسين عتبة بيتي تنداس

گالوا راسه مكطوع .... انا بحسرة ودموع

گلتلهم اتاني ... گلتلهم اتاني

**********

گبل جان الحسين بداري موجود...يفارگني واشوفه يركض ايعود

يگلي الباب لتخلينه مسدود...لو عفتچ دقيقه ارجعلچ اردود

گالوا نحره محزوز .... گلتلهم فلا جوز

گلتلهم اتاني ... گلتلهم اتاني

**********

براحة ايدي حبني وسافر الحيد...ومن ذاك الوكت مسدوده هالايد

اخاف افتحهه تبعد بوسته ابعيد...أذن للموت اسلم ايدي ماريد

گالولي وعلي مات .... گلتلهم اشاعات

گلتلهم اتاني ... گلتلهم اتاني

**********

اخافنه حچيكم يطلع اوهام...ويرد حسين سالم هاي الايام

اخافنه يجي وما يلگه خدام...لذلك قررت انتظره ما نام

گالوا صدره مرضوض .... حچيكم كله مرفوض

گلتلهم اتاني ... گلتلهم اتاني

**********

من يوم المشوا عني الميامين...گلت عوفيهه دراج يم البنّنين

فانوسي بدية ودمعي بالعين...اخاف ابليل يوصل ضعن الحسين

گالوا شيبه مخضوب .... گلت الزمله الدروب

گلتلهم اتاني ... گلتلهم اتاني

**********

چّذبوا اعلية گولو مرچ وراح...حتى العين اسدهه وكلبي مرتاح

ابن حذلم اريده ايبطل الصياح...بعد ليگلي راس ابنچ عله ارماح

ادري بلحدي محفور .... لكن وسط الگبور

گلتلهم اتاني ... گلتلهم اتاني