اقلام الرماح ونكتب بدمنه نحد برقاب عدوانك صوارمنه

بايعناك يابو اليمه ووياك وياك يابواليمه

دقت للكلافه صدورها الانصار اليوم اليوم نخلدها وتظل تذكار

مانرضه بحياة الذل نموت احرار وثياب الذل ثياب الذل وحقك ماتوالمنه

عاهدناك يابواليمه وياك وياك يابواليمه

وحق جدك محمد سيدالاكوان وحق ضلع الزجيه وجمرة الاحزان

وحق اللي جدار الكعبه حط نيشان وبحزام الكلايف حبه حزمنه

ماننساك يابواليمه وياك وياك يابواليمه

انصارك على اجتاف المنيه نفوت وينه الموت الف ياحي هلا بهالموت

اخذهالصوت لاخر قطره هذا الصوت كاس الموت هلا كاس الموت لجلك خل ينادمنه

كلها فداك وياك وياك

اذا نسمع طفل يازينب تروع جفن عينج يبنت حيدر اذا يدمع

تزلزل من عزمنا اجبال تتصدع تظل ويا الدهر بالطف علايمنه

نصيح هناك يابواليمه وياك وياك