و انه بنت الشهم مسلم سفير الدين و الايمان

آهات...من الطفلة

صرخات...من الطفلة

♦️♦️♦️♦️♦️

لليسألني عن اسمي يريد ايعرف مضموني

حميده آنه بت مسلم يهنيالي و يخيعوني

وكت سار الظعن للطف عمامي بهيبه حاطوني

مشيت و ما خفت لحظه تحامي هالظعن فرسان

♦️♦️♦️♦️♦️

جنت وسط الضعن اشعر جني عايشه ابجنه

رقية ابيمنتي و انظر ابشمالي باسمه سكنه

و اليحملها جف عباس حقها ابهاي تتهنه

سلام الله اعله هالراية سلام الله اعله هالذرعان

♦️♦️♦️♦️♦️

وصلنه الكربله و نصبوا خيم لاجن تشع بالنور

ملك لو ينوي يدخلها يحس بهيبه جنه ابطور

يكفيني امن اشوف حسين يجبر خاطري المكسور

رغم ما قلبي لاجمني اعله ابويه الطوّل بكوفان

♦️♦️♦️♦️♦️

بدت تتواله هالأيام محرم يختلف وضعه

و ابساعة اجاني حسين بعينه طافحه الدمعه

مسح راسي و احس بيده ذبت من خوفي جن شمعه

بعيد الشر على مسلم يحيطه الحافظ الرحمان

♦️♦️♦️♦️♦️

طّمني تره قلبي يسعر بي جمر البين

گلي شبيك يا عمي شسبگها و گال لا تخافين

مسلم والدج غدروه و من اللحظة ابوج حسين

حميده بنتي من اليوم بنيني و انتي صرتي اخوان

♦️♦️♦️♦️♦️

حميده لاجت بهمها اعله والدها الذي خانوه

لاجن ظلت اويه ارجال سترها بالنحر يحموه

يا حسره على البلشام طشت راس الأبو جابوه

رقية الماتت اعله الراس و صارت لليتم عنوان