ناذرتك الهليوم يا صاحب الغيرة...من تزعل انت الكون بجفوفك اتديره

لتخلي أخوك حسين يالكافل ابحيره...و انت و انت و اخوتك لحسين حراس

يا يمه أخوك حسين لتقصر بنصره...و آنا يا عباس عمرك فده العمره

يوليدي ما يرضيك ريحانة الزهره...صدره صدره بالزلم و الخيل ينداس

تعرفني لجل حسين كل عمري ضحيته...بدموعي يا عباس هذا ابني ربيته

لو شفته وحده ايريد ناصر لهل بيته...تبقه تبقه و ما تعوفه القطع الأنفاس

كل أخوتك لحسين يا يمه قدمهم...خل الطفوف اليوم يتبارك ابدمهم

شمرة علي الكرار يوليدي علمهم...تدري تدري و الزلم بس بيك تنقاس

يا يمه زينب كون بالدم توافيها...هاي أختك الما شاف ظلها اليعاديها

لازم يمر بالموت كون اليمر بيها...هيه هيه الربتك و تريد نوماس

ما ضاع أبد ما ضاع يوليدي معروفك...كلمن يطوف حسين يوصلك ايطوفك

خمسه انت معصومين نزلوا عله اجفوفك...يا هو يا هو المثل جفك جفه ينباس

قبلة و مزار اليوم للعالم أعتابك...منك خليه اتجود ما ترجع أحبابك

بالشدة يا عباس باب الفرج بابك...بابك بابك للحوائج صار للناس