خليني أعيش بغمرة الفرحه على اجناحك يا طير السعد خليني

و إخذني اوياك وين اتريد أروح اوياك و حته لو على الغيمه تمشيني أروح اوياك

و أروح اوياك لآخر نجمه بالدنيه و أگلك بعد فوگ الفوگ وديني

يا طير السعد و أشبع سهر وياك و لو نغفه أصحيك و تصحيني

و لونك ناشدتني و گلت وين اتريد أگلك على المدينه اتلولحت عيني

و إخذني الدار أبو السبطين حامي الجار و أريد اهناك أهنيك و تهنيني

هالليله ولادة زينب الحره و نديم الشوگ بالفرحه يباريني

و أهني بهالولادة فاطمه و حيدر و أنثر بالمسره زهرة اسنيني

يا طير السعد و اردود أطير اوياك على ايساري العشگ و الحب عله إيميني

و أهيم بحب نبينه و عشك أهل البيت واليت النبي و آل النبي واليت

وياهم أنحشر وياهم اتمنيت و صحت يا ربي جلت ذاتك و جليت

صلي إعله النبي و آله كما صليت عله إبراهيم و آله يا إله البيت