أبشرك يالمحب .... ثوابك ينكتب

و الباري هاليوم .... غفر لك كل ذنب

هالليله ميلاد بت محبوبك .... زينب أبوها اليمحي اذنوبك

مولدها أنوار تضوي ادروبك .... يتحقق بهاي كل مطلوبك

انولد نور اليشع .... أخبرك و استمع

عن دربك النور أبد ما ينحجب

ميلاد زينب أحله ابشاره .... الباري جعلها من أنواره

للهادي حفظت كل أسراره .... والدها حيدر حامي جاره

بفرح بت فاطمه .... زهت أرض و سمه

من هاي الأخبار أبد ما تعتجب

من العتره زينب هاي أسرارها .... هالعتره جبريل خادم دارها

عترة المختار ربنه اختارها .... وضّح القرآن كل أخبارها

بمضامين الذكر .... مودتهم أجر

واحد بسبعين أجرنه ينحسب

بالمصحف أسرار من بارينه .... تهدينه علنور و اتدلينه

اتسير إعله الاطهار و اتوصينه .... حب الميامين حجة إعلينه

محبتهم فخر .... سعاده للبشر

للضامي حبهم مثل ماي العذب

عترة المختار عشنه اوياها .... مهما جره و صار ما ننساها

بالقلب بالروح حبيناها .... هالعتره أسرار ربها إنطاها

نظل إعله العهد .... نحبهم للأبد

إلهم بكل يوم قلبنه ينجذب

ابكل فضل كل خير ربنه إنطانه .... حب الميامين ظل يرعانه

حبهم الفياض عاش اويانه .... بين الشرايين ويه ادمانه

أهل بيت النبي .... مرامي و مطلبي

من عدهم ايفوح نسيم اللي يهب

آل النبي اشموس ضي مصباحنه .... بيهم مضامين سر إصلاحنه

حبهم الموجود بين أرواحنه .... انشارك المختار هاي أفراحنه

التزمنه بسيرته .... و نوالي عترته

إنضد اليضدها و نحب اللي يحب