شوف يحسين الوكت و أفعاله إنعيش غربه و حال أمر من حاله

و نشتكي لك من غدر هذا الزمن اشلون شتتنه و بعدنه اعله الوطن

إعيونه ابفرقاك دم أحمر جرن و الدليل اتقطعت أوصاله

وصلت الحدها و بعد ما كو صبر وشيفيد ابغربه لو تقضي العمر

شيعتك بعدوها قلي اشتتنظر أرواحنه صارت تراهي إخشاله

و يا ذنب سوينه و ايصير الجره غير حبك كل ذنب ما كو تره

إنجان حبك ذنب خلي إنكثره و كل محب يحصي ذنوب أعماله

إليا وكت مو خان جم مره الوكت و يتحن إبروحي العليله و آنه أعت

ما ردت غير آنه أزورك ماردت و عمري جذم للقبر و أهواله