أريد أنعاك .... فلا أنساك....يعبدالله أهزمهدك

أهزن بالمهد يبني و أتذكر زماني الفات

أيام الحمل أيام عالأم لا تظن سهلات

كل يوم ابسنه ينعد و اسنين الربه كلفات

تنام الليل .... جذب عيني تنام الليل

حنيني هاك .... فلا أنساك

صباح البيه صرت يبني عماتك يبشرني

ألف عالخير إجاج اوليد على اصيارك يهنني

فرحتي ما يلمها الكون و وجهك من بزغ يبني

ألولي لك ألولي لك .... صدق يبني ألولي لك

قمر دنياك .... فلا أنساك

قلبي افرشته نام اعليه و اتمرجح عله ابتوته

فلا عيني يمرها النوم و اله تستمع صوته

جور أكثر عله الدلال بيدك ما يهم موته

يناغيني ينا غيني .... عذب صوتك يناغيني

همت بهواك .... فلا أنساك

ليالي ارباك ما طالت عيني ما غفت ساعه

قبل قلبك يفز قلبي و ماخذ شمرت أطباعه

قبل متصيح يا يمه يصيح و جني امخليه سماعه

حلات اسمك حلات اسمك .... يعبدالله حلات اسمك

بشر ملاقاك .... فلا أنساك

يبني و كربله ما يوم مرت حته بأحلامي

بنيان البنيته اعليك تهدم يبني بأوهامي

انشلت ايد ابن جوشن يفطمك بالسهم ضامي

قطع نحري قطع نحري .... القطع نحرك قطع نحري

دمه رواك .... فلا أنساك