و انجدده ابكل عام...ما نترك شعاره

مأتمك منحيد عنه انجدده و ننصب عزانه...مأتمك منجوز منه و ما نبطل من بجانه

مأتمك تسطع أنواره و بسمك يرفرف لوانه

و حبك بالقلوب انطبع...يالنورك اعلينه سطع

و جامعه الكل المجتمع...هالمياتم يا حمانه

صارت جامعه هاي المياتم...و بهاالجامعه تدرس الوادم

بيها كل الأحكام...ما نترك شعارك

منبرك بيه التقدم منبرك أعظم إذاعه...منبرك بيه الثقافة و نور العالم شعاعه

منبرك يجذب الوادم للعبادة و للإطاعه

و العلم من عنده انتشر...بس العقيده اعله البشر

أمّن الناس امن الخطر...حيث بالمنبر شجاعه

منه اتعلمت معنه الحضاره...و شوف المنبر و شوف انتصاره

بمنهج الإسلام...ما نترك شعاره

منبرك زلزل عروش و هدّم اصروح و مباني...و الخدم منبرك ينجه و انت سر سبع المثاني

منبرك كلما أوصفه بيه يتلجلج لساني

فاز الذي بيه إلتزم...و بمبدأه السامي خدم

و الذي بهالخدمه اعتصم...حصّل العز و الأماني

ما نترك شعارك و الخدامه...وبالخدمه نصل شاطي السلامه

نرمي اعله العده اسهام...ما نترك شعاره

أبد ما ينسي امصابك يالطحت لجل العقيده...كل سنه انجدد عزاءك و لعد هالماتم نعيده

و رايتك ترفل علينه و للخصم بسمك نجيده

و يومك يحر انمثله...و نحزن يبن عقد الوله

و ما ننسه عرصة كربله...للحشر يبن الصميده

من نذكر يبن سيد البريه...يومك يا شهيد الغاضريه

نحزن طول الأيام...ما نترك شعاره

سدوا اعليك الشرايع الها تتنازل تريدك...و اخطبت بيهم يعزنه و الرضيع ايلوب بيدك

للطفل قطعوا وريده و بالغدر قصوا وريدك

حز نحرك الطاغي الشمر...و داست عله الخيل الصدر

و انت يبن فارس بدر...ما التوه اعله الضيم جيدك

شبت آمية بالخيم نار...رفعت بالخزي و العار شنيار

صعبه نار الخيام...ما نترك شعاره

*******

بالخيم شبت النار و تصرخ الأطفال طلعت...حرم و أطفال و رضايع عالوجه بالبيده فزعت

و زينب الكبره تعاين وين حامي الجار صاحت

وينك يحماي الحمه...يالتوقف ابكل موزمه وينك

و انظر ودايع فاطمه

قوم شق اللحد و احضر يمن بالشدات تحضر...ما أشد من هالمصيبه ما بعد غيرك يحيدر

شبكت العشره و تحشم و القلب منها تفسر

جيف البصر يابالحسن...و الفاطميات انولن

فرن و ضجن و أعولن

للعليل انظر يبويه من المرض مهدوم حيله...امن المرض و العطش و الحر ياعلي اتفسر دليله

كربله الهدمت حيلي و صارت اهمومي ثجيله

ما جره امصابي بالدهر...و جدي النبي سيد البشر

و امخدرة فارس مضر