و فقدت اعيوني البصر...آنا العليلة

راحوا أحبابي و صرت وحدي حزينة...من مشوا عني و حده حادي الضعينه

جنها ما شالت هلي و بعدت علينه...اتقول شالت للطفوف أرض المدينة

ودعتهم من غصب...و دم دمع عيني يصب

و ألزم اعنان المهر...آنا العليلة

واقفة بباب الأمل و أحسب ثواني...و آنا من حين المشوا ظليت أتاني

قمت أشم العطر لو منهم إجاني...مرني ابريحة هلي و إلهم خذاني

حسرتي حسرة عُمر...و جسمي يشبه للقبر

أدفن اهموم القهر...آنا العليلة

أحجي للدار و أسولف ذكرياتي...آه يا ليل الهضم مرني بمماتي

بلجي من اتروح ترجع لي خواتي...أنتظر شوفة رقية أُمنياتي

شيبت من الزغر...طفلة ماخذني الكُبر

اتعوديت اعله السهر...آنا العليلة

عقب أهلنه ديرتي وحشة و خلية...سلوتي صاير قبر أمنه الزجية

اعيوني قبل ادموعي أبجيها بجرية...من البقيع أنظر قمت للغاضرية

خبّرتني الطاهرة...ابكربله اشصار و جره

جم ضلع منها انكسر...آنا العليلة

سولفتلي الطاهرة و حرت بأمرها...جم ضلع منها كسر بالطف دهرها

النوب ما عافت خصيمي و ما عصرها...النوب حافر خيلهم بالطف كسرها

جن أشوف ابكل صبح...راس أبوية اعله الرمح

و القلب مني انفطر...آنا العليلة

ناشدتها اعله العقيلة و عن أمرها...اشصار بيها من وقع بالطف قمرها

جاوبتني ابعبرة مكسورة بصدرها...يالعليلة عمتج حرقوا خدرها

وشكثر سمعت شتم...وسفه شافتها الزلم

دم تهل عين النظر...آنا العليلة