من طلع شبل الحسن و بزوده للحومه اعتنه...يشبه الليث الغضفنر لو طلع من مكمنه

بيده لاح امذهبّه...هذا شبل المجتبه

بيده لاح الصارم و من عنده يتقاطر أجل...واقف ابين ايد إمامه و الأمر عمه امتثل

قله شنهو الموت عندك قله أحله من العسل...عندي جاس الموت عندي أحله من جاس الهنه

ابكل شجاعة ايجاوبه...هذا شبل المجتبه

ايجاوب حسين بثباة و مسمع العالم صغه...تدري عرسي اويه الهنادي زفتي ابسوح الوغه

شّمر اذراع المنايه بيده رفرفرف بيرغه...و العزم جاسم هتف درعه و حسامه و القنه

بيها واضح مطلبه...هذا شبل المجتبه

مطلب القاسم بده و بالحومة نفهم غايته...يا لثار الحسن كاتب عالعصابة ابجبهته

ناده يا قوم آل أمية آنا جاسم ظنوته...حين سمعوه الأعادي منه ما واحد دنه

بيه غيرة امشرعبه...هذا شبل المجتبه

شربعت بيه الحمية و بيه عرق هاشم نبض...ظلمة و بعج الفوارس سيفه بالحومة لمض

ما جره واحد عليه و لا لعد دربه اعترض...إلا حين انقطع شسعه و جاه بن نسل الخنه

و اعله راسه صوبه...هذا شبل المجتبه

طاحت الضربة اعله راسه و طاح جاسمها صريع...ناده أدركني يعم و الصرخة وصلت للبقيع

و اعتنه ويه الحسين الحسن للجاسم سريع...و اعتنت وياهم الزهرة الحزنها معلنة

و المدامع ساجبة...هذا شبل المجتبه