آخر الأخبار

ديوان السادة

تنوح أم الحسين و تجذب الحسره

17 سطرًا

تنوح أم الحسين و تجذب الحسره و تشجي الهم لبوها و تنظر القبره

و حزنانه اعله ابوها و القلب ذايب عليها صبت امصايب عله امصايب

و إلمن تشكي همها و الأمل خايب و بس حيدر و هو متجتف ابصبره

كلها انقلبت اعليها و عله الكرار مثلما قال الله و أخبر المختار

تلوج امن الضلع و الكسر و المسمار و تخفي الضلع عن المرتضه و كسره

إجت القبر والدها الرحل عنها و من يوم افترق عزها افترق منها

وونت و السمعها اتأثر ابونها يا بويه تنادي و تجذب العبره

عليَ صبت امصايب شدد و آلام ليالي اتصير لو صبت عله الأيام

و لمن فارقتني هجمت الضلام وياها حطبها و الحقد جمره

ما عقبك يا بويه القوم حشموني ابين الحايط و للباب عصروني

سقط مني جنيني حين عصروني و ضلعي انكسر بويه ابشدة العصره

يا بويه من عصرني ثاني الأشرار و ظل يعصر و نبت بالثدي المسمار

طب وياه قومه و جتفوا الكرار مثلما ردته صابر محتسب أمره

اضلعت ليهم أنادي خلو بن عمي ألوج و يجري من جرح الصدر دمي

رجع لي الثاني و من وصل يمي على عيني سطرني و ظلت الحمره

و رجع قنفد ابصوته و غده ايلوعني و خالد إجه ابغمد السيف يوجعني

يريد النذل عن الباب يردعني و لا واحد يمنعه و كلهم ابكتره

شارك هذا المحتوى
12٬764مشاهدة