ما رجع لقراب...بالمعارك سيفي

سيف داحي الباب...بالمعارك سيفي

حرب صفين اعله سيفي تشهد الحملاتي

ميمنتها و ميسرتها تحلف بصولاتي

ترجف اقلوب الأعادي من ترف راياتي

روسهم عالقاع ظلت من أثر ضرباتي

بالحرب غلاب...و المنايه ابكيفي

سيف داحي الباب...بالمعارك سيفي

بالجمل و النهراوان و شاهد السويته

حيدرة الكرار يدري من صلت كفّيته

جيش أميه و آل أميه بالحرب بجيّته

الذله حيدر يوم خيبر بالجمل ذليته

من يصير احساب...سيفي ياخذ حيفي

سيف داحي الباب...بالمعارك سيفي

آنا أبويه القال عني الحسن رفعت راسي

ديني و إيماني بقضيتي تسري وي أنفاسي

حسين شايل تاج حلمي و غيرتي بعباسي

ابيوم هز جبريل مهدي بالشهادة إحساسي

شجرت الأطياب...كرمة توصيفي

سيف داحي الباب...بالمعارك سيفي

بالكرم مشهود جفي لو سألت اجفوفي

و اليجيني و يدق بابي يشهد بمعروفي

بالشجاعة الجود بيه مثل طعن اسيوفي

بغير ما تاخذ كرم ما ترد اضيوفي

الكرم بالأصلاب...عني يشهد ضيفي

سيف داحي الباب...بالمعارك سيفي

آني ما اندق و أبايع ظالم ايعاديني

سالمت مو خوف لكن حته يسلم ديني

فرض عالشيعي الموالي بالدمه ايواليني

يا مُعز المؤمنين الواجب ايسميني

طاهر الأنساب...لو ردت تعريفي

سيف داحي الباب...بالمعارك سيفي

و الله ما ذليت راسي و بايعت سفياني

غير لا الرفض ضدهم ما لفظتها إلساني

أذكر اليذكر مصابي أنسه من ينساني

ربي شرّفني بكرامه و عالبشر علاني