طر القبر يالوالي .... و إنظر اشجاري الحالي

بويه اوياك ... خذني القبرك....أترجاك ... خذني القبرك

طر القبر و إنظر لعد دلالي .... من عقب عينك طاح سوري العالي

كل يوم أتنه و أنتظر آجالي .... و غير الصبر كل جاره أبداً مالي

عقبك ينور عيوني .... هالأمه ما راعوني

بويه اوياك ... خذني القبرك....أترجاك ... خذني القبرك

تذكر يبويه يا نبي الرحمه .... لمن جنت اتوصي هاي الأمه

بيه تره ذبني الزمان ابسهمه .... آنه أدري و انته تدري ليه قسمه

هاي المصيبه التسري .... و خلت دموعي تجري

بويه اوياك ... خذني القبرك....أترجاك ... خذني القبرك

ريتك يبويه اتقوم و اتشاهدني .... بس رحت عني و خاب منك ظني

جور الدهر جم نايبه صوبني .... خلاني بالون و ميبطل وني

كل الجره و المستّر .... من السقيفه المصدر

بويه اوياك ... خذني القبرك....أترجاك ... خذني القبرك

لو ما السقيفه ما جنت محرومه .... من الفدك و أقضي العمر مهضومه

و غصبوا خلافة حيدره المرسومه .... من الأزل ليه و أمل مظلومه

شنهو الذنب من الدار .... تهجم عليه الأشرار

بويه اوياك ... خذني القبرك....أترجاك ... خذني القبرك