هيه وحده من الثنين...لو جهنم لو حسين

هذا ديني...هذا ديني

حسين علّمني أسلم و أعتبر جيراني أخوي

الشايب الأعمه من أقوده بيه أشم ريحة أبوي

من شريعة كافل اخته بحلقي طين

أمي خلتني و صرت كلش حنين

و بطحين أمي لغز...طعم الحسين الخبز

هذا ديني...هذا ديني

جان أبو اليمه مسامح عالطفل يقره السلام

و الحمام ايشوفه شجره خل يحط فوقه الحمام

و اليريد يخلي زينب تستراح

من سبيها يعامل الناس بسماح

القلبه ما يكره بشر...دفع عن زينب خطر

هذا ديني...هذا ديني

خدمة حسين الزعامه نعمة الله بين إيديك

و من تطيع النعمة هايه يزعل حسينك عليك

الياخذ الغيبة و يفك عالناس عين

هذا ذنبه ايهيج اجروح الحسين

حسين خلاني أتعض

قلبي ما شايل بغض

هذا ديني...هذا ديني

باعتقادي البلمجالس ينطي للطامه ماي

يمته ما يشتهي الجنة هوه اليقلها تعاي

و هاي آثار اللطم فوق الصدور

عالصراط اتصير تذكار و عبور

و هاي آثار الدمع...تنحسب وتر و شفع

هذا ديني...هذا ديني

الخدم مثل العشيرة و شيخها حسين الجبير

خدمة حسين الوحيدة اتعيش ابن آدم أمير

ليش من نلطم نشم عطر البخور

بالمجالس فاطمة الزهره تزور

الشكر لله و الحمد...خدمة حسين المجد

هذا ديني...هذا ديني