اليومَ ماتَ جدي الرسول ... اليومَ ماتت أمي البتول

يا محمدُ يا علي...يا عليُ يا محمد

لهيب الطف بده ايوضح صور عن زينب الكُبره

تعنت يم اخوها احسين و هي ابعين الوفه اتنظره

تقله الليله يا بن أمي نحيب و نايحه و حسره

الفجر باجر يبو اليمه يراويني غصص مره

تودعني و تخليني أصب عبره بأثر عبره

وداعك هذا ويانه وداع الهادي و الزهره

الدمعُ مني يجري سيول ... و لستُ أدري ماذا أقول

يا محمدُ يا علي...يا عليُ يا محمد

يا خويه لو شفت باجر ذبيح اعله الترب جسمك

أغسلك من دمع عيني و أشارك بالحزن همك

لون داست عليك الخيل تذكرني بضلع أمك

لظل أنحب يبعد أهلي لساني يردد بأسمك

أجيك المصرعك ولهه و أشوف المصطفه يمك

عله اجروحك يحط خده و يخضب شيبته ابدمك

غداً عليكم خيلٌ تجول ... و حينَ تأتي من ذا يحول

يا محمدُ يا علي...يا عليُ يا محمد

يا خويه و ينهدم حيلي لون فجر الحرايب طر

أجيك بمهجه تستهل لهبها و جمرة التسعر

الحجر لو صابك أتذكر أبويه من انطبر حيدر

أشوفك مرمي عالغبره ذبيح ابدمك امعفر

أشوف المرتضه يمك يصب ادموعه بالمنحر

يقلك يولدي اشيجمع جسم فوق الثره اموذر

ينتابُ عقلي غدا ذهول ... من نائباتٍ تفني العقول

يا محمدُ يا علي...يا عليُ يا محمد

يا خويه و باجر ابعيني أشوف الطاهره البضعه

تحن يمك يبو الشيمه تردد باسمك و تنعه

تعاين جسمك الدامي تنوح النحرك و قطعه

تضمك خويه بالعبره صدرها المنكسر ضلعه

تحاجيك ابمدامعها تصيح بمهجه منفجعه

أغسلك بالدمع يابني لونها تنفع الدمعه

الحزنُ يبقى و لن يزول ... و سوفَ تبقى لنا ذحول

يا محمدُ يا علي...يا عليُ يا محمد

الفجر باجر لون جهجر بصليل النايبه اترصده

يصوبني زماني اصواب كلف يصعب علي شده

يراويني الدهر جسمك وذر و المصرع ايسنده

الحسن يمك أشوفه ايريد على خدك يضع خده

لجن ما يلقه عندك راس تخنقه العبره و اتشده

حزين و ينحني يمك على جبدك يضع جبده

الحزنُ مني غداً يطول ... أبكي لقلبي لما ينول

يا محمدُ يا علي...يا عليُ يا محمد

يا خويه جدك الهادي و أبويه حيدر ابكترك

الحسن و أشوفه يم جسمك و أشوفن فاطمه اتنظرك

لجن عيني بعد تنظر دماك التجري من نحرك

علينا تتوجه الخيل عقب ما ينسحق صدرك

إذا أتتنا تلكَ الخيول ... أدعوا بصوتٍ لما تصول

يا محمدُ يا علي...يا عليُ يا محمد