مو آنا اليساوم عالعقيدة

تبقه دمعة العين...و أبقه خادم حسين

عقيدة...عقيدة

كل فكره بدون حسين خالي محتواها

يعني اللي حجاها ايصير مثلما الحجاها

روحي انباعت اعله الدين و حسين اشتراها

هاي اصدورنه من حسين تتنفس هواها

اسمعني و اخذها منها كلمه

آنا حسين قلبي عاشق إسمه

مثله ينوجد وين...و أبقه خادم حسين

عقيدة...عقيدة

ياللي اتريد أعوف حسين هذي استحاله

هوه العنده مثل حسين شيخلي ببداله

سولف للورد و الياس و اسأل عن خصاله

خل تحجي لك النجمات عن روعة جماله

اوقف يم صفاته و افهم أمره

بلكت تاخذ من أفعاله عبره

ركّز بالنظر زين...و أبقه خادم حسين

عقيدة...عقيدة

باقي و الشعائر هاي بيها ما أجامل

أبجي و أمشي فوق النار و ألطم بالسلاسل

ما أترك طبخ عاشور اسمع يالمقابل

مو مثلك أصّنع موت تفخيخ و قنابل

علّمني الحسين آخذ مكاني

محد يقدر ايهدد كياني

قلت لك مره و اثنين...و أبقه خادم حسين

عقيدة...عقيدة

آنا و انت مختلفتين ما خلي ايدي بيدك

تنزل دمعتي ابعاشور و انت يبدي عيدك

دور غيري يمشي اوياك آنا ما أفيدك

آنا أبقه أحب حسين و انت اعشق يزيدك

خليني بجمر شوقي و لهيبي

ما أقبل لك اتزعل حبيبي

أحلفلك بالحسين...و أبقه خادم حسين

عقيدة...عقيدة

نهجه يستمر حسين خله الما يواكب

بحر امن الحزن و الروج بيه ترسي المراكب

من أتطبر اعله الراس تهتز الكواكب

من غيم الجروح اتطيح زخّات المواكب

يالتشكل عليَّ مني أفهم

دمعات المحب تخمد جهنّم

دمعه وفّت الدين...و أبقه خادم حسين

عقيدة...عقيدة

كل واحد يحب حسين بيه يربط مصيره

روضه امن الورد و الروح تتنفس عبيره

من يمتلي صدري اهموم و اتراودني حيره

يفرجها عليَّ حسين باللحظه الأخيره

من أتعنه يم شباكه زاير

آنا اشما أكلمه يقلي حاضر

لا ما قلي بعدين...و أبقه خادم حسين

عقيدة...عقيدة

معذوره الشمس مرات يم شباكه تقصد

أتحداها لو فذ يوم يم أنواره تصمد

الله خله نور حسين بيه لمسة تفرد

همساته لآلئ بيض و أنفاسه زمرد

يالتنصحني وفّر هالنصيحه

حقك ما شفت جنة ضريحه

تدخل جنته امنين...و أبقه خادم حسين

عقيدة...عقيدة