يا علي الليله الوجود ابلا شعور...حط على بابك يبو حسين الأماني

الليله روض اورود جنات الجليل...جت على هيئة طيور اتزف تهاني

و حته جبرائيل و أملاك الإله ...بالبتول اتباركك بأحله المعاني

و أنبياء و أوصياء و أتقياء ...وجّت اشموع الفرح وسط الصواني

و احنه جيت اليوم بآيات الولاء...ابمولد الزهراء أخط جلمة ضماني

انت أبوي و فاطمه أمي و جيت أقول...غير حبكم ما كو حب للحق هداني

آنا يوم اضماي أنخاكم أكيد ...يالذكركم ماي بعروقي و رواني

خادم أبقه و لو أزل عنكم أموت ...و بين موت الناس بس حبكم حياني

آنا لو نادوا يخدام الحسين ...راح أجاوب ها و أقولن هذا آني

آنا خادمكم و أظل حد الممات...آنا خادم و انذرت إلكم لساني

ويه عمري و هذا إلكم شي قليل ...يا دمعتي و فرحتي و جف الحماني