طابت ليالينه...و الحب يناجينه

محبوبنه الغالي...يالهادي للتالي

و الحب يناجينه

طاب السهر يالهادي هاي الليله

و الما يصلي اعله النبي يا ويله

قرآن حبك رافض التأويله

قلبي و لساني هايم برتيله

آياته تهديني...عالحب تدليني

بيها ألقه آمالي...يالهادي للتالي

و الحب يناجينه

درب الهوه روض و كبر بعيوني

و أهل الجهل خليهم ايلوموني

و حته إذا مسلم أنا ايحسبوني

ما جوز من حبك لون ذروني

لو أموت أنا و أحيه...و أتدره بالبنيه

ما يبتدل حالي...يالهادي للتالي

و الحب يناجينه