ناديتك من يوم المرضع...ما عوفك لو جسمي التقطع

دنيه و من غيرك ما تنفع...و عنك هيهات اتخلينه

يا شوقي و روحي و آمالي ...حبيتك حب عمري الغالي

حبك تاج الراس العالي...و يا موت العنك يلهينه

عشاق و لايمنه انقله...عن هذا الحب ما نتخله

ذبحوك و ما عشت الذله...صوتك لليوم اينادينه

انت المحبوب و تبقه انته...ليك اشما أملك قدمّته

يحسين و قلبي اتملكته...نار اجروحك تسعر بينه

يالحبك عايش ويانه...ما تسوه اخلافك دنيانه

لترابك مرخوصه إدمانه...عشاق و بيك اتغنينه

للموت اوياك اتعاهدنه ...نهتف من ساعة مولدنه

ما غيرك يصبح قائدنه ...و للحضره ازحوف اتعنينه

يا أول جلمه اعله الساني...سلطان و ساكن وجداني

لا أنساك و لا تنساني...و بسمك يحسين اتسمينه

ناديتك يالشاغل فكري...يحسين و أفديك ابعمري

محبوبي و أرخص لك نحري...و بفرض احروفك صلّينه