هاليوم يوم الأكبر...الله وش نتذكر

إجه يوم النزال و خافت الفرسان...و خيل ابخيل قامت تردم و تعثر

تموج المعركة و الموت ياكل موت...و كلها إتعاين و محد قدر يجسر

يريدون النزال و كلهم ايخافون...لأن طعم السيوف اختلط لون أحمر

لن فارس طلع يضحك عله الفرسان...نادانه علي و إتوسط العسكر

ألا من مُحسنٍ يبرز يريد ايموت...أكرمه ابراسه قوه و أرجع أتعذر

الشمر رد و رجف من سمع هذا الصوت...يقلهم يا هو ذاك الفارس الكبّر

قالوا له النزل ذاك الفته ابن حسين ...شبيه المصطفه و إسمه علي الأكبر

قال إلهم إبرزوا و جيبوا راسه ابساع...أحس طوفان سيفه و خاف يتفّجر

البرزوا له جميعاً ظلوا اعله القاع...و رجع هوه اعله شاطي الخيم يتبختر

من شاف الشمر هذا الجره اعله الناس ...صاح ابصوت عالي و أعلن و أجهر

ذكرني البرز بالقاتل ابصفين ...ذاك الهز جمعهم من قلع خيبر

صدقوني البرز مو لكبر ابن حسين ...لو حيدر إجه لو هذا نص حيدر