يشهد لي ميداني...متهمني عدواني

رغم الجيوش الغادره...بالحومه أبعث حيدره

متهمني عدواني

علي آنا علي و بالطف سطع نجمي

و فرسان الحريبه اتخاف من اسمي

كريم و طبعي من طبع الحسن عمي

إجاني الدين محتاج و أخذ دمي

من دم شراييني...أروي عطش ديني

و آنا شبل خير الوره...بالحومه أبعث حيدره

متهمني عدواني

نزلت الحومتي و صوت الحرب كبّر

شفت سبعين ألف من عزمي تتذعر

و آنا الواثق و قلبي قلب حيدر

سبعين ألف ما تسوه شسع قمبر

خل تفهم الوادم ...ميهمني كل ظالم

بين الأعادي الجايره...بالحومه أبعث حيدره

متهمني عدواني

شبل حسين آنا و بالإبه منعوت

ألاوي الموت بيدي و ألوي جف الموت

اعله هامات الزلم بالحومه جدمي ايفوت

مبخوت اليفر من صارمي مبخوت

بالسيف أدليها...عالموت أوديها

إي و الزجيه الطاهره...بالحومه أبعث حيدره

متهمني عدواني

أشوف العسكر إقبالي وقف محتار

ما يدري النبي لو آنا حامي الجار

علي آنا و أبويه حسين أبو الأحرار

نقبل بالمنيه و لا نعيش ابعار

و اللي نست خيبر...لمن برز حيدر

من زودي خل تتذكره...بالحومه أبعث حيدره

متهمني عدواني

سبعين ألف مرحب تخشه من طيفي

من هاليوم لابد آخذ ابحيفي

وادي الطف أقلبه و أعدله ابكيفي

عزائيل جفي و الأجل سيفي

ربي رفع شاني...و بعينه يرعاني

من دمي لو بالطف جره...بالحومه أبعث حيدره

متهمني عدواني

أضحي اليوم هذا الجنت أتمنه

لو جسمي وقع و القوم وذرنه

رسول الله يجي و بنفسه يتعنه

يروي مهجتي و ياخذني للجنه

لو يهوى جثماني...حيدر تلقاني

لمن أطيح اعله الثره...بالحومه أبعث حيدره

متهمني عدواني