يا مسلمين ...يا مسلمين...لكم هذا النداء

حبُ الحسين... حبُ الحسين ...وسيلةُ السُعداء

الكل فرد مسلم حقيقي يرفض إيعيش إبمذله

ابهذي دعوتنه الصريحه إنوضح و ننطي أذله

حب الحسين الوسيله و نوره للعالم تجله

شبه الشمس المضيه التضوي الدنيه كلها

ضياءُهُ ضياءُهُ ...قد عّمَّ في الأرجاء

عن أهل بيت النبوه هالحديث إنذكره و إسمع

إحنه يا ناس السفينه إلنه كل محتار يهرع

و السفينه اليمتلكها حسين أبو الأحرار أوسع

إتوصلك الشاطي السلامه و للنجاة إهوايه أسرع

نورُ اليقين ... نورُ اليقين ...و بهِ يُستضاء

إتبصر بهاي الحقايق و إتبع الحق و سبيله

ما وسيله اللي توصلك بس أبو اليمه الوسيله

و لو ردت عيشه إبسعاده لا تظن يوجد مثيله

و التعصب خله جانب و كلمن يبين دليله

هذا الدليل ...هذا الدليل ...ليسَ فيهِ افتراء

و السعاده النحجي عنها دنيويه و أخرويه

ابمنهج الكامل تفرس إتشوفه شامل كل قضيه

بالمعارف و السياسه و العلوم العسكريه

إتلقه كل هاي المعاني إتجسدت بالغاضريه

هذا العطاء ...هذا العطاء ...من طفِ كربلاء

أغلب القاده نشاهد حللت هاي الجوانب

إقتبست من حسين موقف مستفيده امن التجارب

و شافت إشلون إنتصاره أصبح بسبعين غالب

عرفت الحق و الحقيقه و هي سر نصر المحارب

سِرُ الخلود... سِرُ الخلود ...بالبذلِ و الفداء